സ്‌കൂൾപാർലമെന്റ് തിരഞ്ഞെടുപ്പ് 25ന് നടക്കുമെന്ന് പൊതുവിദ്യാഭ്യാസ ഡയറക്ടർ അറിയിച്ചു. വോട്ടെടുപ്പ് 25ന് രാവിലെ 11ന് മുമ്പും തുടർന്ന് വോട്ടെണ്ണെലും നടക്കും. ഉച്ചയ്ക്കു ശേഷം 2.30 നാണ് സ്‌കൂൾ പാർലമെന്റ് ഭാരവാഹികളുടെ തിരഞ്ഞെടുപ്പ് നടത്തേണ്ടത്. സ്‌കൂൾ പാർലമെന്റിന്റെ ആദ്യയോഗം 30ന് നടക്കും. സര്‍ക്കുലര്‍ പ്രകാരമുള്ള ഇലക്ഷന് വോട്ടിങ് മെഷീന്‍ സോഫ്റ്റ്‍വെയര്‍ ഉപയോഗിച്ച് വളരെ എളുപ്പത്തില്‍ ഹൈടെക്കായി നടത്താനാകുമെന്ന് കൈറ്റ് അറിയിച്ചു. ഇതിനുള്ള സോഫ്റ്റ്‍വെയര്‍ കൈറ്റ് മലപ്പുറം തയാറാക്കിയിട്ടുണ്ട്. സോഫ്റ്റ്‍വെയര്‍ പ്രവര്‍ത്തനങ്ങള്‍ വിശദീകരിക്കുന്ന ഹെല്‍പ് ഫയല്‍, ലാപ്‍ടോപ്പിലും മൊബൈല്‍ ഫോണിലും ഇന്‍സ്റ്റാള്‍ ചെയ്യേണ്ട ആപുകള്‍, നാമനിര്‍ദ്ദേശപത്രിക, പ്രതിജ്ഞയടക്കമുള്ള ഇലക്ഷന് സാമഗ്രികള്‍, ഉത്തരവുകള്‍ മുതലായവ ലഭ്യമാണ്.
